晴朗天 - 食·玩·育·美·愛の親子平台

我哋啱啱經歷完一場緊張刺激嘅升中派位遊戲！連叩門啲嘢都預備好，點知朗朗由學校行出嚟同我講「媽媽你準備啲嘢冇用喇！」嘩！當刻啲眼淚不自覺係咁流出嚟，感動到喊，簡直係百感交集呀！

好快就到人生第2個畢業禮！小學6年轉眼間就過，我問朗朗畢業禮駛唔駛要公仔或者花，佢話咩嘢都唔駛。咁重要嘅日子，點可以兩手空空㗎？有種需要叫做「阿媽覺得有需要」。上網四圍睇下，響 第一熊 - 畢業公仔 / 禮品服務 訂咗隻畢業熊仔，貨到覺得好靚呀！每個細節都好精緻，就連眼鏡都真係有鏡片㗎！成隻畢業熊仔都超正呀！我哋已經為畢業禮作好準備喇！

小學階段結束，即將為人生揭開新嘅一頁。祝願朗朗和今屆升中生為創出將來嘅一片天而加油啦！

※晴朗媽媽轉工後工作比較忙，未能如以往天天更新專頁，而且為免公司誤會，都唔能夠再接受任何贊助或者免費體驗活動。專頁將隨心 ‧ 隨緣，心血來潮或者有好嘢推介便會更新※ #升中派位 #緊張刺激 #第一志願 #第一熊 #香港傷殘青年協會 #畢業熊仔 #質素高 #細節精緻

收到畢業熊仔，梗係第一時間揾畢業生嚟影番張合照先啦！Happy Graduation~^^

畢業熊仔真係好靚！每個細節都好精緻，對於有要求既晴朗媽媽嚟講！好滿意呀！

熊仔果束花係由完成花藝培訓班嘅學員用心人手包裝，而且採用絲花製作，每隻熊仔既花束都唔同架！果真精心炮製！

Congradulations字樣都繡得全無瑕疵！另外有金色字+金色絲帶款式選擇~

熊仔左腳上都印有Congradulations字，值得恭喜嘅事要重複多幾次~

畢業袍上印上畢業生名稱，個人風格，獨一無二~

真係冇諗過連眼鏡都有埋鏡片，製作好認真。讚！

畢業帽上會有細細個2022年掛飾，咁就唔會忘記係邊一年畢業啦！好細心~

畢業熊後面，可以睇清楚啲件畢業袍，原來有啲拖尾同複雜，連背面都整得咁細緻，好犀利~

畢業熊側面，好似正專注梗參加畢業禮喎！

畢業有花束，特別有氣氛~

畢業熊仔仲有張小賀咭跟埋，將心意寫落去先~

咭仔細細，已經預印咗恭喜字句，寫個名就搞掂啦！

文章來源：晴朗天 - 食·玩·育·美·愛の親子平台 facebook專頁 @ 2022年8月1日